"Tumhari Chup" lyrics

Tumhari chup aur humara lehja
Tumhari chup aur humara lehja
Kabhi milenge toh baat hogi

Humari aankhein tumhara chehra
Kabhi milenge toh baat hogi
Tumhari chup aur humara lehja
Kabhi milenge toh baat hogi

Kahenge tumse ke dil ki baatein
Chhupa ke rakhna bada gunaah hai
Tumse milkar tumhein na milna
Qasam khuda ki badi saza hai

Tumhare chehre ke kufl nazron
Se khul na payein
Toh kya karein hum

Piron ke rakh li
Hai dil mein aankhein
Wahin se ab tumko dekhna hai

Tumhare jalwon pe sar ka jhukna
Kabhi milenge toh baat hogi

Mohabbatein jab likha karoge
Humare naamon mein naam hoga
Kabhi jo dhadkega dil tumhara
Humare dil ka salaam hoga

Kabhi jo taaron se dosti ho
Toh jugnuon se bhi milte rehna

Humare lafzon se baat bankar
Likhoge jab tum kalaam hoga
Udaas lamhein mein hanske kehna
Kabhi milenge toh baat hogi