"We Set The Trend" lyrics

Eeh!
Yah (Hehehe)
Ah we set di trend
When Bogle seh, "All dem deh, weh dem deh did deh?"
Dem know weh him mean?
It mean seh

Willie Haggart, well a him set di trend
From cream-out hair days and from pants foot a bend
'Memba di blue track and di convertible BM
Di only dancer inna Jamaica was only Bogle dem
Roddigan fly dung and sunrise third heaven
Wid di two big bike and di burgundy Benz
And di African crew give him di latest trends
Dem man deh come a yard and lock dung di ends
Gotti from dung a garden neva beg no friend
From dung a south, you have uncle and yuh have bali dem
Now a Dudus lock di place as di youngest legend
How me fi talk bout don and mi nuh mention Skeng, then

We set di trend, so weh di fassy dem a holla bout?
Machine pop off so watch di fassy dem a bawl out
We set di ting dem, drop di ting dem and go all bout
We set di standard and di pace, fassy face
We set di trend, so weh di fassy dem a holla bout?
Machine pop off so watch di fassy dem a bawl out
We set di ting dem, drop di ting dem and go all bout
We set di standard and di pace, fassy face

Back in di days when a click used to wear
Yah fi have yuh buff a leaner and yuh criss LA Gear
Yuh nuh have a travel fox, you couldn't come around here
Linen suit gentleman, yuh boot mouth haffi square
Have up yuh S Curl and di part inna yuh hair
Remember razor and comb, barber neva have nuh sheer
And a piece a tree stump was di barber chair
Now everyting gone, everyting disappear
Remember House of Leo, put yuh hand up inna di air
Every Wednesday night a metro, and we have to be there
Every Thursday night, a "Stone Love" inna tropics, we nuh fear
And every Sunday night, a "Super D" a Harbour View Square
Dem time, a bike a ride and batty rider a wear
House gyal dem come out inna shorts and brassiere
And Carlene touch di road, inna mi neck mi feel mi ear
And Chiney man from Gully a one great pioneer, cause

We set di trend, so weh di fassy dem a holla bout?
Machine pop off so watch di fassy dem a bawl out (Uh-huh)
We set di ting dem, drop di ting dem and go all bout (Uh-huh)
We set di standard and di pace, fassy face (Uh-huh)
We set di trend, so weh di fassy dem a holla bout? (Uh-huh)
Machine pop off so watch di fassy dem a bawl out (Uh-huh)
We set di ting dem, drop di ting dem and go all bout
We set di standard and di pace, fassy face

Back in di days of 1981
This is just after 1980 election
After Bob Marley dead, and is pure bangarang
Michael Manley and Seaga inna competition
This is after '79, when dem just shake hand
So dem kill Claudie Massop, everything start go wrong
Jim Brown go rise, Curly Lox, and di General
PNP 'gainst Labor Rights, a pure funeral
Cho, cho (Cho), so mi tek yuh to 1988
When a Ninjaman and Admiral Bailey a run di place
Gilbert blow dung Jamaica, leave people inna space
Lovindeer "Wild Gilbert" come mash dung di place
In di days it was di age, Fort Clarence was di base
Unnu 'memba fresh? Gyal used to wine up dem waist
Nowadays every man a have screw pon dem face
If yuh talk too hard, a man a dig fi him waist, but

We set di trend, so weh di fassy dem a holla bout?
Machine pop off so watch di fassy dem a bawl out
We set di ting dem, drop di ting dem and go all bout
We set di standard and di pace, fassy face
We set di trend, so weh di fassy dem a holla bout?
Machine pop off so watch di fassy dem a bawl out
We set di ting dem, drop di ting dem and go all bout
We set di standard and di pace, fassy face