"Romano" lyrics

(Sa gitna ng takot at pangamba
Umusbong ang natatanging pagsinta
Ang binihag na simoy ay lalaya
Ang luntia'y 'di malalanta)

Panahon ang humubog
Sa lipunang nadurog
Hustisya ay bilang

Pataas 'pag nahulog
Nakabaon na bubog
Sa talampakan na tigang

Bayan namin na lubog na sa mali
Sa tagal ay mahirap na ikubli

Hindi na kaya pang tiisin ang hapdi
Sa mga sugat na kailangan ng tahi

Pagmamahal, ay nasaan?
Pintig ng puso na nakalaan

Ibibigay kahit wala mang kapalit
Laging tatandaan

Anuman ang iharap
Bukas-palad na tinanggap
At handa n'yang ibigay
Maialay ang buhay

Bakit inabutan ng kahapon ang ating ngayon
'Di maaninag ang bukas sa anino ng noon

'Pag daing ng iba
Lagi s'yang tumugon
Sa piging ng dukha
Nakisalo't uminom

Kalis ng pagdurusa
Niyakap kahit madugo
Dito sa dagat ng bigo
May umilaw na sulo

Lumalaban ng tuwid sa mga baliko
At sa 'yong pag dating
Nakaabang sa pinto

Aakayin ang lahat ng mga napariwara
Buksan ang nakasara bahagian ang wala

Nilunok ang ganti
Ng sugat na basa
Natuyo na dura
Sa mga paso't pasa

Pagmamahal mong hinahanap na parang hele ng duyan
Para sa bayan sana ay mahawakan ng tuluyan

Makamit lamang ang tanging inaasam ng lubusan
Buhay ang kabayaran kahit hindi n'ya pa utang

Pagmamahal, ay nasaan?
Pintig ng puso na nakalaan

Ibibibigay kahit wala mang kapalit
Laging tatandaan

Pagmamahal, ay nasaan?
Pintig ng puso na nakalaan

Ibibibigay kahit wala mang kapalit
Laging tatandaan

Anumman ang iharap
Bukas-palad na tinanggap
At handa n'yang ibigay
Maialay ang buhay