"Good Times" songtext

Egal weles Fest, du bisch ir Nööchi
I kenne kes Lache, wo so schön isch
Dr Türsteher luegt plötzlech nümme böös dri
Nei, du steisch niene aa

Du bisch immer hyped, immer fröhlech
Verteilsch dis Glück u geng, wed hesch, o dini Nötli
Du kennsch immer alli, wo scho dört sy
Vor u hinger dr Bar

U du bisch geng so guet gluunt, es isch chum zum zueluege
Nomau Shots, nomau Shots – när bisch plötzlech nümme ume
Seisch aune Ciao u niemerem Tschüss
Chunsch spät, geisch gly
När bisch tagelang niene me
Wie geits dir?

Sogar du hesch dini schlächte Täg, i weiss
U vilech fingeni nume schad, dass du dini nid mit mir teilsch
Dass du dini nid mit mir teilsch

Wüu du bisch schnäll wäg, we ds Läbe wieder hert wird
Du jagsch dr Flash, aber dänksches nie ganz fertig
Alles nice, wüu das Lache dini Rettig
Mir sy nume hie für good times, good times

Mängisch hasseni alles
Kennsch du das o?
Mängisch bini nume truurig u weiss nid wieso, säg, kennsch du das o?
Mängisch hani mi nur wölle vergrabe u bi nachher glich usecho

Trinke bis i nümme gspüre u säge es sig aues super, säg, kennsch du das o?
Mängisch chani nid schlafe u dänke, das isch dr perfekt Momänt
Zum Entscheidige, woni vor zäh Jahr ha troffe
Nomal genau z hingerfrage

Mängisch weiss i nid wohi
Vilech kennsch du ds o
I hoffe, es geit dir guet
Vilech gseh mir üs morn

Wüu du bisch schnäll wäg, we ds Läbe wieder hert wird
Du jagsch dr Flash, aber dänksches nie ganz fertig
Alles nice, wüu das Lache dini Rettig
Mir sy nume hie für good times, good times

Nume für good times, nume für good
Nume für good times, nume für good
Nume für good times, nume für good
Nume für good times, nume für good

Good times
Good times
Good times

Good times
Good times
Good times

Mir sy nume hie für good times