"Minus Das Wo Passiert" songtext

Hüt hei mir üs wieder nid kenneglehrt
Weiss absolut nüt über di
Du absolut nüt über mi
Die meiste Wäge chrüze sech nid

I meine, wie gross cha e Zuefall sy
Dass du u ig zur gliche Zyt am schnuufe sy
Zur gliche Zyt hie uf dere Chugle sy
Unger dr Sunne sy
I meine, i meine

I grüesse aui, woni nid kenne
Das isch es Lied für alli
Wo sich nie begägnet sy

U vilech lige
Ganzi Planete zwüsche üs
U vilech bisch gd näbe mir

Hüt hani hundert Lüt nid kenneglehrt
Nur ufem Wäg zur Tanki u zrügg
Die meiste hei vo däm gar nüt gmerkt
E Tag wie Wasser unger dr Brügg

Kennsch du das o, we
Du nid weisch
Ob du würklech gnue wach bisch

Ob du gnue da bisch
Ob du gnue
Ob du bisch
Ob du, Ob du

I grüesse aui, woni nid kenne
Das isch es Lied für alli
Wo sich nie begägnet sy

U vilech lige
Ganzi Planete zwüsche üs
U vilech bisch gd näbe mir

All das, wo möglech wär
Minus das
Das wo passiert

I grüesse aui, woni nid kenne
Das isch es Lied für alli
Wo sich nie begägnet sy

U vilech lige
Ganzi Planete zwüsche üs
U vilech bisch gd näbe mir