"Ae Dil Zara" lyrics

Ae dil zara kal ke liye bhi dhadak lena
Yeh aaj ki shaam sambhal ke rakh lena
Kahan aise lamhe aayenge phir?

Yeh aag hawaaon mein hogi kahan
Ke roz tu baahon mein hogi kahan
Yeh soch ke jaan nikalti hai
Tum aaj ke baad milogi kahan

Yeh aanch mili hai toh aaj dehak lena
Ae dil zara kal ke liye bhi dhadak lena

Na jaane mujhe kyun yeh baat darati hai
Ki jo shaam gayi woh na laut ke aati hai
Kahan hum-tum yun kareeb aayenge phir?

Main taare-sitare karunga kya
Jo pairon tale yeh zameen na rahi
Wajood mera yeh tumhi se toh hai
Raha kya mera jo tumhi na rahi

Ae aansu theher kabhi aur chhalak lena
Ae dil zara kal ke liye bhi dhadak lena