"Universe" lyrics

Цаг хугацаат
Энэ богинохон амьдралд
Амьдын оршихуйд
Ирэн буцсаар

Хязгааргүйн гүнд
Гялалзах оддын зүгт
Оюун санаа
Гэрлийн хурдаар
Дүүлэн дүүлэн хөвнөө

Ирэн буцсаар
Өөөөөөөө ирэн буцсаар

Үнэн бас
Худал бүхнээ тээгээд
Нүгэл буянаа
Дэнслүүлэх
Орших үгүйн ертөнц

Там
Эсвэл гэрлийн зүгт
Бүхнийг тольдогч
Өөөөөө
Тэнгэрийн үнэн хууль цааз

Эцсийн зогсоолд гэрлээр дүүлэн нисээ
Эцсийн зогсоолд гэрлээр дүүлэн нисээ

Ээжийгээ элдвээр гомдоож байсан уу чи
Элэг бүтэн амьдарч байсанаа голсон уу чи
Аавийнхаа захиж хэлсэнийг бодсон уу чи
Амьдын хорвоод хүн болгосоныг мартсан уу чи

Хэлсэндээ үнэнч явдаг байсан уу чи
Хэн нэгэнийг хууран мэхлэж байсан уу
Үнэнийг худал болгож ялсан уу чи
Үхэх хүртлээ урван тэрсэлж байсан уу

Шунал тачаал
Атаа хорсолоор
Тамын тогоонд
Тарчилан шатсаар дуусах уу
Гомдол цөхрөл
Нулимс хагацлаар
Оюун санаа сүнсэн биеэр дуусах уу

Эцсийн зогсоолд гэрлээр дүүлэн нисээ
Эцсийн зогсоолд гэрлээр дүүлэн нисээ

Хөх тэнгэрийн хаяа билээ би
Хүрэн
Бор зүрхний титэм билээ би
Тэр
Хөхрөх үзүүрт хөвөх гэгээн би билээ
Хөврөх ууланд нуугдах нулимс билээ би

Налгар өвсний соёо билээ би
Жаргах нарны туяан билээ би
Налайх тал газрын мэлмий би билээ
Аниргүйд орших бодол билээ би

Хавцаст уулын оргил билээ би
Хахиран цахилах
Тэнгэрийн сум нь би
Цусан дуслах жадны ир билээ би
Тэнгэрт ноёрхон
Орших хас нь би
Амьдралыг тэтгэгч
Амьсгалах заяаг бэлгэлэх
Өөөөөөөөөөөө
Амьдын УТГА УЧИР билээ би