"Don Salvato'" testo

Don Salvatò, nn'ce guardá da coppa
Sicuramente risultammo ridicule
Cu tutti chisti vile 'nnanz'a ll'uocchie
Nuje figlie 'e chesta terra, 'e chesta vita
Nuje ca parlammo troppo spisso
Pure senza essere interrogate
Nuje ca mo è nu guaio, mo è na disgrazia
Pare ca nn'ce simmo abbituate

Don Salvatò, ll'arbere chiagneno
'E frutte se so' 'nfracedate
Veleno, fummo e cielo grigio
Quanno 'a mana vosta nun è arrivata
E po 'a paura, 'a carna annuda
'Mmiez'ê deserte d''a miseria
Carogne, puorce, sanghe crudo
'E mmane sporche, 'a famme e 'a sete

Don Salvatò, a che ce serve
Tutta chesta educazione
Si po ogne scarpa se fa vecchia
E, si nun more, è nu scarpone?
E, si vaje c''o core, nisciuno t'aiuta
Rieste sulo schiavo d'o pudore
Ca te fa fesso e cuntento
E po na spina dint'ô core
Don Salvatò, Don Salvatò

Don Salvatò, che ce ne facimmo
D''o credere, d''a speranza
E dell'opere bbone
Se po 'o destino 'o decidite vuie
E nuje nn'avimmo maje ragione?
E popole arabe, popole balcaniche
Tiempe moderne o tiempe antiche
Don Salvatò, nu poco 'e pacienza
Si nuje ancora niente ammo capito

Don Salvatò, sott''a tavola vosta
Na tozzola 'e pane, quanno cade
Nu surzo 'e vino d''o figlio vuosto
Sanghe chiuove 'mmiez'ê mmane
E, si vaje c''o core, nisciuno t'aiuta
Rieste sulo schiavo d''o pudore
Ca te fa fesso e cuntento
E po na spina dint'ô core
Don Salvatò, Don Salvatò

Ave, Verum Corpus, natum de Maria Virgine
Vere passum, immolatum in cruce pro homine
Cuius latus perforatum fluxit aqua et sanguine
Esto nobis praegustatum in mortis examine