"Vierno" testo

È vierno, chiove, chiove 'a na semmana
E 'st'acqua assaie cchiù triste me mantene
Che friddo, quann'è 'a sera, ca me vene
Cu 'st'aria 'e neve, mò ca manchi tu
'Sta freva ca manch'essa m'abbandona
'Sta freva 'a cuollo nun se leva cchiù

Vierno
Che friddo 'int'a 'stu core
E sola tu
Ca lle può ddà calore
Te staie luntana e nun te faie vedè
Te staie luntana e nun te curi 'e me

Ccà mamma appiccia 'o ffuoco tutte 'e ssere
Dint'a 'sta cammarella fredda e amara
Ma che ll'appicci a ffà, vecchia mia cara
S'io nun me scarfo manco 'mbraccio a tte?
Povera vecchia mia, me fa paura
È 'n'ombra ca se move attuorno a mme

Vierno
Che friddo 'int'a 'stu core
E sola tu
Ca lle può ddà calore
Te staie luntana e nun te faie vedè
Te staie luntana e nun te curi 'e me