"Bella 'mbriana" testo

'Int'ô scuro e chi me vede
Si sapisse che può dà matina e sera
T'aggio visto crescere e cantà
T'aggio visto ridere e pazzià

'Int'ô scuro e nun se crede
Si sapisse, votta a passà 'sta jacuera
T'aggio visto chiagnere e jastemmà
T'aggio visto fottere e scannà

Bonasera, bella 'mbriana mia
Ccà nisciuno te votta fore
Bonasera, bella 'mbriana mia
Rieste appisa a nu filo d'oro
Bonasera aspettanno 'o tiempo asciutto
Bonasera a chi avanza 'o pede c'ò core rutto

Che paura 'a primmavera
Nun saje cchiù che t'hê 'a aspettà e che succede
E aggio visto 'a guerra, vuò vedé?
So' ati tiempe e tu che può sapé

'Nfaccia ô muro ce sta 'o core
'E chi pava sempe e nun sente dulore
E aggio visto 'e notte 'o fuoco a mmare
Chino 'e rrobba e cu nu fierro mmano

Bonasera, bella 'mbriana mia
Ccà nisciuno te votta fore
Bonasera, bella 'mbriana mia
Rieste appisa a nu filo d'oro
Bonasera aspettanno 'o tiempo asciutto
Bonasera a chi avanza 'o pede c'ò core rutto