"Putesse Essere Allero" testo

E dimme quacchecosa, nun me lascià accussì
Stasera sto sballato, che voglia 'e partì
Cu ddoje parole 'mmocca e tanta semplicità
Putesse essere allero
E dimme quacchecosa, nun me lascià accussì
'O viento sta passanno e i' 'o voglio sentì
Affonno 'e mmane dint'â terra e cerco 'e nun guardà
E nun me pare overo

Putesse essere allero e m'alluccano dint'ê recchie
E i' me sento viecchio
Putesse essere allero cu mia figlia 'mbraccio
Che me tocca 'a faccia e nun me fa guardà

E dimme quacchecosa, nun me lascià accussì
Me sento nu criaturo ca nun pò fà pipì
Vulesse arrubbà senza me fà vedé
Tutt''e facce d''a ggente
E dimme quacchecosa, nun me lascià accussì
'O viento è già passato, nun pozzo cchiù sentì
E m'ha rimasto 'ncuollo l'addore d''o magnà
E nu poco 'e mare

Putesse essere allero cu nu spiniello 'mmocca
Ch''e mmane dint'â sacca
Putesse essere allero cu na parola sola
Che me desse calore senza me fà sunnà

Putesse essere allero e m'alluccano dint'ê recchie
E i' me sento viecchio
Putesse essere allero cu na parola sola
Che me desse calore senza me fà sunnà

E dimme quacchecosa, nun me lascià accussì
Me sento nu criaturo ca nun pò fà pipì
Vulesse arrubbà senza me fà vedè
Tutt''e facce d''a ggente
E dimme quacchecosa, nun me lascià accussì
'O viento è già passato, nun pozzo cchiù sentì
E m'ha rimasto 'ncuollo l'addore d''o magnà
E nu poco 'e mare

Putesse essere allero cu nu spiniello 'mmocca
Ch''e mmane dint'â sacca
Putesse essere allero cu mia figlia 'mbraccio
Che me tocca 'a faccia e nun me fa guardà