"Dalum At Hibas (Sinag)" lyrics

Tinatahak ang unang sinag ng umaga
Bumabalik sa salubong ng aplaya
Ang makina ay tila humuhuni
Kasabay na umaawit din ang huli

Ang aking talambuhay ay hinahabi ng lambat
At ang hanging dumadaloy sa baga ko ay alat
Sayaw ng katig at alon ang nagdidikta ng bukas
Palad ay sumasabay sa bawat dalum at hibas

Tanging makina ang bumasag sa kalmada
At walang sumasagot sa kanyang paanyaya
'Di kawangis ng kahapon ay tila nagdadamot
Ngayo'y damang-dama'ng ligalig ng puso ng laot

Ang aking talambuhay ay hinahabi ng lambat
At ang hanging dumadaloy sa baga ko ay alat
Sayaw ng katig at alon ang nagdidikta ng bukas
Palad ay sumasabay sa bawat dalum at hibas