"Sadeek El Bernameg (Interlude) (صديق البرنامج (فاصل))" lyrics

مستمعينا موضوعنا النهاردة عن التواصل
كتير مننا بيتكلم ومبيسمعش
وكتير بيسمع ومبيتكلمش
خلونا نسمع أول متصل ونقول الو

الو
الو
الو ممكن أتكلم؟
طب نتعرف بيك؟
ممكن ما أقولش اسمي؟
امال هنتواصل ازاي؟
سميني صديق البرنامج
ويا ريت تحفظ رقمي

ياه رقمك ده فيه ستات كتير
هل ده بيعكس عدد الستات اللي عرفتهم في حياتك؟
هي بنت واحدة، وأسامة معلش أنا اللي عندي سؤال
اتفضل

هو الحب ليه؟
أفندم؟
الحب ليه عشمني؟
الحب إيه علمني؟
ليه لما جيتني يا حب غفلتني ورميتني؟

صديق البرنامج انت رسمت بكلامك لوحة جميلة جدا
بس للأسف الشمس فيها بتغرب، ليه كدة؟
علشان هي مش موجودة يا أسامة
هي مين؟
اللي مخلياني أكلمك

هي أكيد سامعانا دلوقتي تحب تقولها إيه؟
افتكري اللي انا قلتهولك من غير كلام
بس التواصل محتاج كلام
مش دايماً يا أسامة
صديق البرنامج هختلف معاك
لكن هسألك قبل ما ننهي المكالمة تحب تسمع ايه؟
من غير كلام