"Rosc Catha Na Mumhan" lyrics

D'aithníos féin gan bhréag ar fhuacht
'S ar anfa Thétis taobh le cuan
Ar chanadh na n-éan go séiseach suairc
Go gcasadh mo Shéasar glé gan ghruaim

Measaim gur subhach don Mhumhain an fhuaim
'S dá maireann go dubhach de chrú na mbua
Torann na dtonn le sleasaibh na long
Ag tarraingt go teann 'n-ár gceann ar cuairt

Tá lasadh sa ghréin gach lae go neoin
Ní taise don ré, ní théann fé neoil
Tá barra na gcraobh ag déanamh sceoil
Nach fada bheidh Gaeil i ngéibheann bróin

Measaim gur súbhach don Mhumhain an ceol
'S dá maireann go dubhach de chrú na dtreon
Torann na dtonn le sleasaibh na long
Ag tarraingt go teann 'n-ár gceann fé sheol

Is annamh dom maidin ar amharc an lae
Ná bainim chum reatha go farraige síos
Mo dhearca dá leathadh ag faire de shíor
Ar bharcaibh an fharaire ag gearradh na slí

Measaim gur súbhach don Mhumhain 's gur binn
'S dá maireann go dubhach de chrú na rí
Torann na long ag scoilteadh na dtonn
Ag tarraingt go teann 'n-ár gceann gan mhoill

Gach cruinníodh d'fhuil Mhíle duine thréin
Go ritheann 'na chuisle den bhfíor-fhuil braon
Do milleadh le dlíthe is do crádh le claon
Go mbuailfidh sé buille le báire an tséin

Measaim gur subhach don Mhumhain i gcéin
'S dá maireann go dubhach de chrú na dtréan
Torann na dtonn le sleasaibh na long
Ag tarraingt go teann 'n-ár gceann le faobhar
Measaim gur subhach don Mhumhain i gcéin
'S dá maireann go dubhach de chrú na dtréan
Torann na dtonn le sleasaibh na long
Ag tarraingt go teann 'n-ár gceann le faobhar