"Gschirr" songtext

A dere Strass, woni wohne
Da wird immer gstritte
Vor dr Bar, ufem Trottoir
U im Car, wo verbyfahrt, ja

Es faht immer wieder vo vore aa
So viel verstimmti Stimme
I jeder' Sprach, jeder' Tonart
Spät ir Nacht, früeh am Morge

D Buebe sy am luege
Ob gluegt wird
U luege tief i ds Glas
Zwöi wei no eis ga zieh
Zwöi zieh sich a de Haar

Eine schreit
Dass alls wieder guet wird
Nur isch süsch niemer da
Eini seit
Es ligi a ihm
U zwöi lige sech im Arm

Lug mau, hie isch immer öper wach
D Sunne chunnt, weni ungerga
Dr Himmel isch wie Rosé i däm Glas
Dr Tag so jung, wie die Gschichte alt
Ey, wart itz mal

I meine
Mir hei gly ke Gschirr me, Baby
Hei beidi gly ke Stimm me, Baby
Aber eigentlech ischs mir lieber, Baby
Üsi richtig schlimme Stritte sy still

A dere Strass, wohni wohne
Gits immer öpis z wüsche
Vor dr Bar, ufem Trottoir
U z dürab bis zum Pop Up

Sie chöme a jedem zwöite Tag
U o a dene drzwüsche
Stilli Gsetz
Wenn dass d Seck dörfe dusse sy

U jede weiss es
Bim Container
Nid nach de Achte
Nid a Fiirtäg
Am Sunnti nid

Üsi brochne Gleser töne falsch
We sie dunge sy
Fläsche klirre
Schärbe bringe Putzmaschin'
Es isch so suber, lug
Es cha gar nid suber sy

Lug mau, hie isch immer öper wach
D Sunne chunnt, weni ungerga
Dr Himmel isch wie Rosé i däm Glas
Dr Tag so jung, wie die Gschichte alt
Ey, wart itz mal

I meine
Mir hei gly ke Gschirr me, Baby
Hei beidi gly ke Stimm me, Baby
Aber eigentlech ischs mir lieber, Baby
Üsi richtig schlimme Stritte sy still

So viel «aber»
I wot use
Stäge abe
Bstell' es Uber
So viel «aber»
Wieder ufe
Chly abefahre
Mal chly schnuufe

Öpis Ässe
Ha no Pasta
Im Ufwerme
Sy mir ganz starch
Isch im Chüehlschrank
Düe grad alls dri
Dr Tag so jung, wie d Gschichte alt sy

I meine
Mir hei gly ke Gschirr me, Baby
Hei beidi gly ke Stimm me, Baby
Aber eigentlech ischs mir lieber, Baby
Üsi richtig schlimme Stritte sy still