"Zwüschezit" songtext

I weiss nid, was morn isch u du o nid
I weiss nid, wele Tag
I weiss nid weles Jahr isch
Wele Monet
Das isch ir Ornig

Ke Zeiger ufem Zifferblatt
Zwüsche üs het nüt me Platz
Bruch' dini Nööchi
Cha nid ohni

Die Wält isch e Blauton
Du füllsch nomal uf
U vo dim Balkon
Gseht Züri mängisch wiene Grossstadt us

Tische ufem Trottoir
Vo irgendemne Pop Up
Push ufem Display
I bi hie bisch du o da?

Sitze i dr S-Bahn
Schwige uf dr Rückfahrt
Würdsch mir säge, we du nüm chasch?
Wo gsehsch du di i füf Jahr?

I weiss nid, was morn isch u du o nid
I weiss nid, wele Tag
I weiss nid weles Jahr isch
Wele Monet
Das isch ir Ornig

Ke Zeiger ufem Zifferblatt
Zwüsche üs het nüt me Platz
Bruch' dini Nööchi
Cha nid ohni

Wind dürs offene Fänster
E Satz ohni Bezug
Gleis wo singe
Buechsitte blettere um

Hie isch aues vo gester
Neonfarbe-Firmelogo
Selfie ar Hautesteu
I däm ändlose Vorort

E Bus fahrt verbi
I scroll' düre Feed
U d Ample, die blibt
Fürne Ewigkeit orange

I weiss nid, was morn isch u du o nid
I weiss nid, wele Tag
I weiss nid weles Jahr isch
Wele Monet
Das isch ir Ornig

Ke Zeiger ufem Zifferblatt
Zwüsche üs het nüt me Platz
Bruch' dini Nööchi
Cha nid ohni

Uf däm Bänkli
Wo mir mängisch
Sitzt hüt niemer
U mir fahre dran verby

A dr Wand es Plakat vomne Fest
Wo scho lang verby isch
Obwohls nie isch gsy

Altpapier vorem Huusigang
Chalts Liecht im Stägehuus
Iichoufstäsche, Schlüsselbund
Weiss nid, ab wenn me zäme wohnt

Üses Spiegelbiud
Mi Chopf a dire Schultere
I däm Ougeblick
Wo dr Lift no nid losfahrt

I weiss nid, was morn isch u du o nid
I weiss nid, wele Tag
I weiss nid weles Jahr isch
Wele Monet
Das isch ir Ornig

Ke Zeiger ufem Zifferblatt
Zwüsche üs het nüt me Platz
Bruch' dini Nööchi
Cha nid ohni