"Pwede Bang Mamaya?" lyrics

Tadhana nga siguro ang isulat 'to
Nagbabakasakaling kahit sa panaginip ay mabasa mo
Inspirasyon ka sa bawat liriko't tono
Pwede bang, pwede bang
Dito ka lamang sa tabi ko?

Limang minuto'y gawing linggo
O kaya'y gawing taon na siguro
Puso'y buo nung natagpuan
Kapalaran bang sirain mo?

Humihiling na naman sa mga tala
Sana ay paigtingin bawat segundong ika'y kasama
Maaari bang tipirin ang sandaling natitira?
Pwede bang mamaya
Mamaya ka na magpaalam?

Lalasapin bawat indak
Nagagalak kahit 'di hamak
Na ang wakas ay natatanaw
Bakit bigla kang bumibitaw?

Limang minuto'y gawing linggo
Bakit parang ang bilis na ng tono?
Hindi naman 'to dati ganito
Planado ba'ng pagbabago mo?

Humihiling na naman sa mga tala
Sana ay paigtingin bawat segundong ika'y kasama
Maaari bang tipirin ang sandaling natitira?
Pwede bang 'wag na lang
'Wag ka na lang, magpaalam?

Humihiling na ngayon kay bathala
Sana naman ay dinggin
Na 'wag ka sanang mawala
'Yung 'di kailangan tipirin ang sandaling kasama ka
Pwede bang lumaban pa?
Pwede bang sumugal?
Pwede bang mamaya?
Pwede bang 'wag na lang
Magpaalam?
(Pwede bang mamaya?)

Tadhana nga sigurong isulat 'to
Ngunit itinadhana din ba ang paglisan mo?