"Yaar" lyrics

Kya pyaar karay tu
Phir bhi inkaar karay tu
Kya saaz banoon main?
Uski aawaaz banay tu
Jeet banoon main?
Aur uski haar banay tu
Kya phool banoon main?
Phoolon ka haar banay tu

Main baarishon mein bhaaga yaar
Teray meray daaman pe daagh lagay thay
Ab bhi woh daagh wahin hain
Ek baar keh de mujh se yaar
Hans ke ke tu mujh se naaraaz nahi hai
Hum mein koi raaz nahi hain

Chhotay chhotay se jo teray makaan thay
Woh baarishon mein tab bheeg hi jaatay
Aas-paas naaraaz raaz
Un kashtiyon ki tarah hi bahaate
Kaash teri aankhon mein hon sapnay
Dekhtay thay jo hum bachpan mein
Mil gaya hai tujhay saara jahaan ab
Main toh aaj bhi hoon us kal mein

Sansaar mein hai jitna pyaar
Utna toh hum ab tujh se kar baithay hain
Hum roz yehi kehtay hain
Us paar hai jo mera yaar
Ab woh mujh se itna kyun door gaya hai?
Kya mujh ko bhool gaya hai?

Kuch baatain hain meray dil mein
Kuch raatain guzri mushkil mein
Kaaghazon ke jo gul thay banaaye
Khushboo aa rahi in mein
Na dekho meri taraf tum
Chaahay toh baat hi kar lo
Hum ko aazaad karo tum
Ya phir barbaad hi kar do
Kuch hota hai na
Aahista waar karo tum
Thori si nafrat kar lo chaahay
Thora pyaar karo tum

Sansaar mein hai jitna pyaar
Utna toh hum ab tujh se kar baithay hain
Hum roz yehi kehtay hain
Us paar hai jo mera yaar
Ab woh mujh se itna kyun door gaya hai?
Kya mujh ko bhool gaya hai?